Ապարան

Ապարան քաղաքի մոտակայքից մինչև Ձորագլուխ գյուղ ձգվող լեռնաշղթան.

Գեղեցիկ տեսարաններով թռիչքային տեղ է, և սիրված է բոլոր պարապլաներիստների կողմից.

Մեկնարկի հրապարակը.

կոորդ.  40.595018°/ 44.470536°  ,  h = 2450 m

Դրական կողմերը.

— Գերազանց մեկնարկի հրապարակ, շատ ընդարձակ, հարթ ու մաքուր,

— Ունի Top Landing իրականացնելու համար լավ պայմաններ,

— “Լեռնաշղթա” է, ունի երկար ձգվող հատվածներ, հարմար է դինամիկ հոսանքներում երկարատև ճախրելու համար,

— Վայրէջքների համար ունի գործնականորեն անսահմանափակ, ազատ, հարթ դաշտեր,

— Մեկնարկի հրապարակներին կարելի է հասնել մեքենաներով (բայց բարձր անցունակության մեքենաներով, ասֆալտ չկա),

— Կանխատեսելի միկրոմետեորոլոգիա, “անակնկալ” փոփոխություններ սովորաբար չեն լինում,

— Լավ XC պայմաններ

Բացասական կողմերը.

— Հեռու է գտնվում Երևան քաղաքից,

— Թերմիկները որոշ իմաստով “դասական” չեն, ուժեղ քամիների ժամանակ լանջն ի վեր են “լղոզված”, ցածր են (քանի որ լեռնաշղթան ինքն արդեն բավականին բարձր է) թերմալ ցիկլերը հիմնականում կարճ են, բայց պատահում են նաև բարձր թերմիկներ ու երկարատև ցիկլեր,

— Ուժեղ քամիներ հաճախ են հանդիպում

Քամիները.

— Հարավային, Հարավ արևմտյան, (շատ հազվադեպ Արևելյան և Արևմտյան)

Թռիչքների շրջանը.

— Հիմնականում աշնանը.  գարնանը և ամռան սկզբին ուժեղ քամիներն ավելի հաճախակի են, տեղումների հավանականությունը բարձր, երբեմն պատահում են թռիչքներին ոչ պիտանի ուղղության քամիներ