Սեվան

Սևանա լճի “Ախթամար” հանգստյան տան վերևի լանջերը,

Հայ պարապլաներիստների շատ սիրելի “ամառանոցը”՝ Սևանա լճի չքնաղ տեսարաններով:

Մեկնարկի հրապարակը.

կոորդ.   40.589128°/ 44.951533°  ,  h = 2300 m

Դրական կողմերը.

— “Լեռնաշղթա” է, ունի երկար ձգվող հատվածներ, հարմար է դինամիկ հոսանքներում երկարատև ճախրելու համար,

— Համարյա միշտ կարելի է հանդիպել կոնվերգենցիայի երևույթին, որը թույլ է տալիս նույնիսկ ոչ հմուտ օդաչուներին ճախրել ոչ միայն լանջին մոտ գտնվող դինամիկ հոսանքներում, այլ ամբողջ տարածքով մեկ,

— Վայրէջքների համար ունի հարթ, փափուկ, խոտով ծածկված դաշտեր,

— Մեկնարկի հրապարակին կարելի է հասնել Ճոպանուղիով ! (էժան, արագ, և հարմարավետ :)),

— Մեկնարկի հրապարակին կարելի է հասնել նաև մեքենաներով (բայց բարձր անցունակության մեքենաներով, ասֆալտ չկա)

Բացասական կողմերը.

— XC հնարավորությունները թույլ են, բարձր թերմիկներ որպես կանոն չկան,

— Վայրէջքի դաշտերը սահմանափակ են, “ցանկապատված” են բարձր լարման հոսանքագծերով,

— Ունի օդերևութաբանական “անակնկալներ”. երբեմն օդը դառնում է անկանխատեսելի տուրբուլենտ, կամ էլ լճի խոնավ օդի և արևի ծածկվելու հետևանքով (հատկապես օրվա երկրորդ կեսին) հարաբերական խոնավության մակարդակը արագ աճում է, որի արդյունքում հայտնվում է մառախուղ և փակում տեսանելիությունը

Քամիները.

— Հյուսիսային, Հյուսիս արևելյան

Թռիչքների շրջանը.

— Հուլիս — Սեպտեմբեր. Երբ գլոբալ քամիները դառնում են հյուսիսային

Տեղաբնակները.

— Որոշ դեպքերում ցանկալի է ունենալ “Շփման Արվեստի” լավ փորձ և նախօրոք ընթերցած լինել "Թքած Ունենալու Նուրբ Արվեստը" գիրքը։