Թռիչքային դպրոց
Պարապլաներային դասերի մասին ՝
• Ուսման տևողությունը —— 10 օր անընդմեջ։ (Խորհուրդ է տրվում վերցնել արձակուրդ)
• Ուսանողների թիվը մեկ խմբում —— 4-6 հոգի
• Ուսուցումը ընթանում է FAI (Fédération Aéronautique Internationale) կողմից հաստատագրված PARA PRO նորմատիվի 2 – րդ աստիճանի պահանջներին, կամ դրան համարժեք ДОСААФ –ի կողմից հաստատագրված КУЛП СД – 88 նորմատիվի III –րդ կարգի պահանջներին համապատասխան
• Ուսուցումը իր մեջ ներառում է տեսական և գործնական (թռչքային) դասընթացներ, որոնք դասավանդվում են զուգահեռաբար
• Ուսմանը կարող են մասնակցել միայն չափահաս անձինք
• Ուսմանը կարող են մասնակցել բոլոր բավարար առողջական տվյալներ ունեցող անձինք
• Ուսման ավարտին մարզիկներին տրվում է նրանց որակավորումը հաստատող համապատասխան վկայական (ազգային)
• Ուսման արժեքն է 240․000 դրամ (արտաճանապարհային երթևեկությունը և թռիչքային գույքի վարձակալությունը ներառյալ)
• Ուսումնական գործընթացի պահանջներին համապատասխանող սեփական գույք ունենալու դեպքում մարզիկը կարող է մասնակցել ուսմանը իր գույքով։ Այդ պարագայում մարզիկը նաև կստանա զեղչ։
Ի՞նչ պետք է իմանալ պարապլաներային դասերին մասնակցելուց առաջ։
Պարագլայդինգը էքստրեմալ սպորտաձև է։ Պարագլայդինգով անվտանգ զբաղվել հնարավոր է, սակայն մեր սպորտում անվտանգությունը պետք է վաստակել որոշակի կանոններ պահելով։ Օդաչու դառնալուց առաջ կարևոր է իմանալ որ մեր սպորտաձևը չի սիրում մարդկանց ովքեր անլուրջ են մոտենում անվտանգությանը և թռիչքային տեսությանը։ Կարևոր է նաև իմանալ որ այս սպորտով զբաղվելուց առաջ դուք պետք է պատրաստ լինեք անելու մի քանի բան՝
• Սկզբնական կուրսից հետո գնել ձեր սեփական գույքը։ Հույսը չդնել ակումբից գույքը վարձակալելու վրա։
• Դասերից հետո պատրաստ լինել հաճախակի մասնակցել թռիչքներին։ Ցանկալի է շաբաթական առնվազն 1 օր տրամադրել թռիչքներին։ Սրանից քիչ թռիչքներին մասնակցելը լինելու է ձեր անվտանգության հաշվին։
• Հասկանալ որ մեր սպորտաձևը բարդ յուրացվող ավիացիոն սպորտաձև է, սկզբի շրջանում պետք է կարևորել հրահանգիչների ներկայությունը, խորհուրդները և հետևել հրահանգներին։
Աերո Կլուբի մոտեցումը պարապլաներային դասերին, ակումբին և պարապլաներային սպորտի զարգացմանը Հայաստանում։
Դասընթացները մեր ակումբի համար կոմերցիոն ուղղություն չեն։ Օդաչուներ պատրաստելը մենք համարում ենք ներդրում այլ ոչ թե բիզնես։ Մեր ակումբը հնարավոր ամենինչ անում է որ ստեղծի օդաչուների համար անվտանգ և հաճելի միջավայր։ Մենք մեր ակումբը անվանում ենք պարապլաներային ընտանիք, միասին պարբերաբար ճամփորդում ենք, թռիչքային օրերին պատրաստակամ ենք պետք եղած դեպքում օգնել միմյանց և երաշխավորել մեկս մյուսի անվտանգությունը։ Աերո Կլուբի դասերին մասնակցելու համար կարևոր է հետագայում պատրաստ լինել ոչ միայն լինել օդաչու և մարզիկ այլ նաև ակումբական։ :)