Թեղենիս

 

Բուժական գյուղի վերին սարը. Ունի մեր թռիչքային տեղերից ամենաբարձր մեկնարկի հրապարակը: Ունի լավ XC պոտենցիալ: Այստեղ անցկացվել են պարապլաներային միջազգային մրցումներ:

 

Մեկնարկի հրապարակը.

կոորդ.  40.517459°/ 44.522331°  ,  h = 2835 m

 

Դրական կողմերը.

— Գերազանց մեկնարկի հրապարակ, շատ ընդարձակ, հարթ ու մաքուր,

— Ունի Top Landing իրականացնելու համար պայմաններ,

— Ունի հատվածներ, որտեղ կարելի է դինամիկ հոսանքներում ճախրել,

— Վայրէջքների համար, լեռան տարբեր կողմերում ունի գործնականորեն անսահմանափակ, ազատ, հարթ դաշտեր.

— Մեկնարկի հրապարակներին կարելի է հասնել մեքենաներով (բայց բարձր անցունակության մեքենաներով, ասֆալտ չկա),

— Կանխատեսելի միկրոմետեորոլոգիա, “անակնկալ” փոփոխություններ սովորաբար չեն լինում,

— Ունի լավ XC պայմաններ,

— Համեմատաբար մոտ է Երևան քաղաքին:

 

Բացասական կողմերը.

— Օդային հոսանքների անբարենպաստ լինելու դեպքում հնարավոր է չհասնել հիմնական վայրէջքի հրապարակներին և վայրէջքը կատարել սարի լանջերի վրայի անտառների մեջ, ինչը այդքան էլ ապահով ու հաճելի չէ, ինչպես նաև ենթադրում է ավելի դժվար պայմաններ մեքենայով փոխադրման համար,

— Ունի համեմատաբար բարդ աէրոլոգիա. Հարմար է համեմատաբար փորձված օդաչուներ համար,

— Ուժեղ քամիների ժամանակ թերմիկների մշակումը և բարձրություն հավաքելը զգալիորեն դժվարանում է,

— Անձրևների ժամանակ սար տանող ճանապարհը դառնում է անանցանելի:

 

Քամիները.

— Հարավային, Հարավ-արևմտյան, Արևմտյան (հազվադեպ՝ Արևելյան և Հյուսիսային):

 

Թռիչքների շրջանը.

— Գարնան վերջ, ամառ, աշնան սկիզբ.  Գարնանը և ամռան սկզբին ուժեղ քամիներն ավելի հաճախակի են, տեղումների հավանականությունը բարձր, երբեմն պատահում են թռիչքներին ոչ պիտանի ուղղության քամիներ: