Վեդի (փոքր)

Վեդի քաղաքի կողքին գտնվող “Կարմիր սարի” գագաթին, հեռուստաանտենաների մոտ: Մեկնարկի հարապարակից բացվում են Արարատ լեռան և Արարատյան հարթավայրի հրաշագեղ տեսարանները:

Մեկնարկի հրապարակը:

կոորդ.    39.943428°/44.674654°,  h = 1300 m

Դրական կողմերը:

— Մեկնարկի հրապարակներին կարելի է հասնել մեքենաներով (բայց բարձր անցունակության մեքենաներով, ասֆալտ չկա),

— Ունի արևոտ եղանակներ,  (Հայաստանի այս շրջանում տեղումները համեմատաբար ավելի սակավ են)

— Վայրէջքների համար ունի գործնականորեն անսահմանափակ քանակով դաշտեր,

— Ունի կանխատեսելի միկրոմետեորոլոգիա, “անակնկալ” փոփոխություններ սովորաբար չեն լինում

— Լանդշաֆտի փոքր բացարձակ բարձրության պատճառով (MSL) թերմիկների մեջ կարելի է ավելի շատ բարձրություն հավաքել (AGL)

— Արարատ լեռան և Արարատյան հարթավայրի հրաշագեղ տեսարանները

Բացասական կողմերը:

— Մեկնարկի հրապարակ տանող ճանապարհը անցնում է սարի ետևի մասով, որի պատճառով տրանսպորտային հարցերը երկար ժամանակ են խլում:

— Վայրէջքի հրապարակները առանձին վերցրած կարող են պարունակել հողագործական էլեմենտներ (ցցեր, լարեր, ցանկապատ) որը պահանջում է զգուշություն վայրէջքի ժամանակ

— Ամառվա շոգ շրջանին սովորաբար ջերմաստիճանային գրադիենտի ինվերսիա է լինում ցածր շերտերում, որի պատճառով թերմիկները դառնում են կարճ և անորակ:

Քամիները:

— Հարավային, Հարավ-Արևելյան, Հարավ-Արևմտյան

Թռիչքների շրջանը:

— Գարնանը, (Ձմեռային ընդմիջումներից հետո այս թռիչքային տեղը ակտիվանում է առաջինը). Հատկապես լավ է, երբ նախորդ օրը անձրև է եկած լինում: